2 Samuel 18:16-18

Ang Biblia (1978)

¹⁶ At hinipan ni Joab ang pakakak, at ang bayan ay bumalik na mula sa paghabol sa Israel: sapagka't pinigil ni Joab ang bayan.

¹⁷ At kanilang kinuha si Absalom at inihagis nila siya sa malaking hukay sa gubat, at ^(A)tinabunan siya ng isang malaking bunton ng bato: at ang buong Israel ay ^(B)tumakas bawa't isa sa kaniyang tolda.

¹⁸ Si Absalom nga sa kaniyang kabuhayan ay nagpasiya at nagtayo sa ganang kaniya ng ^(C)haligi, na pinaka alaala, na nasa ^(D)libis ng hari: sapagka't kaniyang sinasabi, ^(E)Wala akong anak na magiingat ng alaala ng aking pangalan: at kaniyang tinawag ang haligi ng ayon sa kaniyang sariling pangalan: at tinawag na monumento ni Absalom, hanggang sa araw na ito.